والمارٹ کی کیشیر گھورتی ہے، میرے للائسنس کو، میرے چہرے کو
پھر سے لائسنس کو، اسے یقین نہیں آتا کہ یہ میں ہی ہوں
تصویر میں، آنکھیں کھنچیں ہویں ہیں کیونکہ ہنستے ہويے
میں نے کچھ زیادہ دانت دکھايے تھے، تم لگتی ہو
،گوری اصل زندگی میں، اس نے کہا اور پھر میری تصویر کو
کئ مرتبہ، مختلف زاويوں سے، وقفوں سے
روشنی میں غور سے دیکھا۔ مشرقی، وہ کہتی ہے تصدیق کرتے ہويے
،اپنے لمبے ناخنوں سے۔ وہ مجھے نام دیتی ہے۔
،کچھ اس طرح جس طرح ہم خوفناک اشیاء کو نام دیتے ہیں
،جیسے اس نے مجھے کسی فہرست میں سے ڈھونڈھا ہو
پوشیدہ مگر عیاں جگہ سے۔ میرا پہلا رد عمل یہ ہوتا ہے کہ میں اس سے معافی مانگوں
کوئی وضاحت پیش کروں، الزام دوں اپنی ماں
،یا باپ کو، اسے بتاؤں غالب اور مغلوب
خصلتوں کے بارے میں، میرے بھائی کے کھردرے بال، میری بہن کی آنکھیں
میرا گول چہرہ، ہم تبدیل نہی کرسکتے جو ہمیں وراثت میں ملا ہے–
،پارٹی میں ایک مدہوش شخص نے مناسب سمجھا
 اپنی پلکیں گھما کرچینی ٹیکسی ڈرائیور کا مذاق اڑانا
ایک سابقہ محبوب جو ہنس پڑا میری سائیکل کی خواہش پر
اور پوچھنے لگا کیا اب تم ڈلیوریز کرو گی؟ میرے جاپانی
افسر کے ماتھے پر بل آ گئے جب میں نے ہمدردی کا اظہار کیا. یہ قوت
کہ ہماری جلد میں مشرق اور مغرب دونوں کا امتزاج ہے معنی نہیں رکھتی
،ان کے لئے اوراس عورت کے لئے جو پھر دہراتی ہے مشرقی
اپنی بات کو وزن دینے کے لیے جب کہ میں نے کہا میں آدھی کورین ہوں
جیسے میں بے خبر ہوں کہ سورج کس سمت سے نکلتا ہے
یا میرا رخ کس سمت میں ہے، گویا اسے یقین ہے
میرے چیک لینے کے بعد، میں باہرپارکنگ لاٹ میں جاکر
کھول دوں گی اپنا ڈریگن اور اڑ جاؤنگی جاؤں گی، طرف مشرق

والمارٹ کی کیشیئر نے بےیقینی سے پہلے میرے لائیسنس کو دیکھا
پھر میرے چہرے کو گھورا
پھر دوبارہ لائیسنس کو
کیونکہ ڈی-ایم-وی کی تصویر میں میری نظریں قدراً جُھکی ہوئی اور بانچھیں کِھلی ہوئی تھیں۔

میری تصویر کو مُختلف زاویوں سے،
بدلتی دُھوپ میں،
پَلٹ پَلٹ کر مُعائنہ کرتے ہوئے کہنے لگی،
 "تم اصل میں گوری لگتی ہو”
"مشرقی"
اُس نے اپنے لمبے ناخُن سے ثبوت کی طرف اِشارہ کرتے ہوئے
میری تصویر پہ فتویٰ جاری کیا۔

اور پھر باری باری
 اپنے تمام خدشات کی فہرست اُنگلیوں پہ گِننے لگی
جیسے اُس نے مجھے مُلزموں کی قطار میں بیڑیاں پہنے پکڑا ہو
میں نے معذرت کے ساتھ چند وجوہات بیان کرنا چاہیں،
اپنے ماں باپ کو الزام دینا چاہا،
اُسے وِراثت میں ملنے والے خَدوخال کی تِھیوری سمجھانا چاہی،
اپنے بھائی کے بالوں کے ہلکے
اپنی بَہن کے آنکھوں کے پُتلے
اپنے چہرے کی گولائی
دِکھانا چاہی۔
ہماری پیدائیشی ناک نقشے پہ ہمارا کیا زُور

جب نَشئی پَلکیں چڑھا کے
چینی ڈرائیوروں کا مَذاق بناتے ہیں،
گَلی کے غُنڈے میری سائیکل کو دیکھ کہ
اِے مِراسی! کے نعرے لگاتے ہیں،
دَفتر میں آفسر جب میری ہَمدردی کو بےدردی سے رَد کر دیتے ہیں

ہم اپنی رنگت میں دُو طرفہ مَوافقت رکھتے ہیں مگر ہماری دُہری قَومیت اِس عورت کیلئے صِرف ایک لفظ ہے:
"مَشرقی"

اُس کا فیصلہ اَٹل ہے
جیسے اُس میں میرے چہرے کی کُوریئن حقیقت بدلنے کی طاقت ہو
جیسے میں بُھول گئی ہوں کہ
سُورج کِس سِمت سے طُلوع ہوتا ہے
یا میرا چہرہ کِس رُخ کو مُڑا ہوا ہے
جیسے وہ میرے بارے میں کوئی غَیبی راز جانتی ہے
کہ جب میں سامان کی قیمت ادا کر کے باہر نِکلوں گی
تو اپنے دِیو پہ سوار ہو کے
مَشرق کی طرف اُڑ جاؤں گی